Arnarsmári

Málningarvinna, Múrvinna, Smíðavinna

Viðhald utanhúss og þakmálun

Árið 2018 tókum við hjá Tré og málun ehf. að okkur utanhússviðhald á Arnarsmára 22-24. Verkefnið var viðamikið og fól í sér háþrýstiþvott, múrviðgerðir, utanhússmálun, þakmálun og viðhald á tréverki.

Við sáum um verkið í heild sinni og lögðum til alla vinnupalla, tæki og efni til að tryggja að framkvæmdin væri unnin hratt, örugglega og eftir ströngustu gæðastöðlum.

Þetta var gert

Þvottur og múrviðgerðir: Húsið var háþrýstihreinsað með 350 bar þrýstingi. Í ljós komu 77 metrar af sprungum sem gert var við. Fínar sprungur voru þéttar með þykkmálningu en stærri sprungur og skemmdir voru filtaðar yfir með þéttimúr.

Málun útveggja: Allir ómálaðir veggir voru grunnaðir með Steinakrýl. Að því loknu voru veggirnir málaðir tvær umferðir með viðeigandi útimálningu.

Þakmálun og ryðvörn: Allt ryð á þaki var slípað niður og blettað með epoxygrunni. Bert járn var grunnað með Fjölgrunni og að lokum var þakið málað tvær umferðir með Þolmálningu.

Tréverk: Tréverk á gluggum, hurðum og þakkanti var skafið og slípað. Allur ber viður var grunnaður með fúavörninni Kjörvara 14. Að lokum voru hurðir, þakkantur og gluggar málaðir tvær umferðir með þekjandi olíumálningu, Kjörvara 16.

Sérfræðingar í viðhaldi fasteigna síðan 2006

Fáðu tilboð þér að kostnaðarlausu

692 5734

Sendu okkur fyrirspurn